စစ်ကိုင်းမြို့ ရွှေမင်းဝံရပ် မင်းဝံတောင်ရိုး မဟာကံ့ကော်မြိုင်ကျောင်းတိုက် အောင်မင်္ဂလာကန်တော်ကြီး အတွင်း၌ တည်ထားကိုးကွယ်လျှက်ရှိသော အောင်မင်းခေါင် အောင်မြေသစ္စာဆုတောင်းပြည့် နဂါရုံ မြတ်စွားဘုရား တည်ထားပြီးစီး အောင်မြင်နိုင်ရေးအတွက် သဒ္ဒါတရား နည်းများမဆို ဆက်သွယ်လှူဒါန်းနိုင်ပါကြောင်း သဒ္ဒါကြည်လင် ပါရမီရှင်အပေါင်း သူတော်ကောင်းတို့ အား အသိပေးကြေငြာအပ်ပါသည်။ ဆက်သွယ်လှူဒါန်းရန် လိပ်စာ - စစ်ကိုင်းမြို့ ၊ ရွှေမင်းဝံရပ် ၊ မင်းဝံတောင်ရိုး ၊ မဟာကံ့ကော်မြိုင်ကျောင်းတိုက် (ဖုန်း-072 22320)
စီးပွားရေးကြော်ငြာများ ထည့်တွင်းကြော်ငြာလိုက အခမဲ့ဝန်းဆောင်မှုများပေးနေပါပြီ............ ကြော်ငြာများ ထည့်တွင်းလိုပါက uaowthada@gmail.com သို့ ပေးပို့ ကြော်ငြာနိုင်ကြောင်း သတင်းကောင်း ပါးအပ်ပါသည်။

Saturday, May 4, 2013

သစ္စာလေးပါး တရာတော်


မာရ်နတ်၏ အမေးပုစ္ဆာ - အဖြေ

ရဟန္တာမ အရှင်မြတ်မှ ဤသို့ ရှင်းလင်းတော်မူ၏။
" အို..မာရ်နတ်... အဘယ်ကြောင့် သတ္တဝါဟူ၍ ယုံကြည်ပြီး နေရသလဲ၊ ဤသို့... ယုံကြည်နေခြင်းသည် သင့်မှာ ဒိဋ္ဌိ(အမြင်မှား) ဖြစ်နေ၍လော..။
ဤခန္ဓာငါးပါးသည် သုခမရော ဒုက္ခသဘောသက်သက် သင်္ခါရတရားအစုကြီးသာလျှင် ဖြစ်ပေ၏။ ဤလောက၌ သတ္တဝါဟူ၍ ခေါ်ဝေါ်စရာ မရအပ် မရနိုင်ပေ။
ဒုက္ခသစ္စာတရားသည်သာလျှင် ဖြစ်ပေါ်၏။ ဒုက္ခသစ္စာတရားသည်သာလျှင် ခဏကလေးမျှ တည်လည်း တည်တံ့၏။ ချုပ်လည်း ချုပ်ပျောက်၏။ "
စာပေလာ အရေး အပြောဖြင့် တစ်ချို့မှာ တစ်ခါတစ်ခါ မရှင်းလင်းသည်လည်း ဖြစ်တတ်၏။ တစ်ချို့မှာ အားရ သဘောကျသည်လည်း ရှိတတ်၏။ ထို့ကြောင့် စာပေ ရေးဟန်အပြင် ရိုးရှင်းသော  မိုးကုတ်ဆရာတော်ဘုရားကြီး၏ ပြောဟန်၊ ဆရာတော်ဘုရားကြီး ဦးဃောသိတ၏ ရေးဟန် ကို သဘောကျ အတုယူ၍ ရေးသားပြလိုပါသည်။
"အို... ဒိဋ္ဌိမစင်တဲ့ စကားလုံး "သတ္တဝါ" ဆိုတဲ့ အသုံးကို လှိုင်လှိုင်ကြီးသုံးပြီးသကာလ မေးလျှောက်နေတာဖြင့် ဘယ်သူပါလိမ့်လို့ ရဟန္တာမ အရှင်မြတ်က ဆင်ခြင်ကြည့်တော့ မိစ္ဆာဒိဋ္ဌိ(မှားယွင်းသော အမြင်၊အယူ)ကြီး မာရ်နတ် ကိုး။
ဟေး..  မာရ်နတ်ကြီး.. ခန္ဓာငါးပါး ကို သတ္တဝါ အမှတ်နဲ့ (သတ္တဝါအထင်၊ သတ္တဝါအမြင်၊ သတ္တဝါအယူ၊ သတ္တဝါအစွဲ)နဲ့ သင်မေးလျှောက်တဲ့ မေးခွန်းကိုးက မှားနေတယ်။
သတ္တဝါ လို့ ခေါ်စရာမရှိဘူး၊ ရှိတာက ခန္ဓာငါးပါး=သင်္ခါရတရားအစု=ဒုက္ခသစ္စာ ပဲ။
ဒုက္ခသစ္စာတရားတွေပဲ ပေါ်လာ၊ ဒုက္ခသစ္စာတရားတွေပဲ ခဏတည်၍ ချုပ်ပျောက်ကုန်တာပဲ။ ဒုက္ခသစ္စာတရားမှတစ်ပါး အခြားတရားဖြစ်စရာ မရှိ -  ဟု ရဟန္တာမ အရှင်မြတ်မှ ရှင်းလင်းဖြေရှင်းပြတော်မူပါသည်။
ဤသို့ - ဒုက္ခသစ္စာတရားအသားကို အမြင်မပေါက် ဉာဏ်မရောက်သည့်သူသာ ပုဂ္ဂိုလ်၊သတ္တဝါ ထင်မှတ်မှား၏။
သဘာဝ တရားသား အပေါ်မှာ အထင်မှား၊ အမြင်မှားတွေ ဖုံးအုပ်၊ ထို ဖုံးနေတဲ့ အဖုံးပေါ် အခေါ်အဝေါ်တွေ သုံးနှုန်းနေကြသည်ကို မရိပ်မိသည့်သူများမှာဖြင့် ထိုအမြင်မှား၊ အထင်မှားနဲ့ပဲ မွေး-အို-နာ-သေ သံသရာကြောရှည်နေကြခြင်းသာတည်း။
ထို အမြင်မှား အဖုံးတစ်ချပ်ကို ဖွင့်လှပ်ပေးနိုင်သည့် ရှင်တော်မြတ်ဘုရား ပွင့်ထွန်းပေါ်ပေါက်လာလို့သာ -  အမှန်ပေါ် ဉာဏ်ရောက်၍  -
ဒုက္ခသစ္စာတရားသားကို မြင်၊
ဒုက္ခကို မလိုချင် ငြီးငွေ့သည့် ဉာဏ်ဖြစ်၊
ဒုက္ခဖြစ်ကြောင်းကို အပြီးသတ် ရှင်းလင်း ပယ်ရှား၍ ဒုက္ခချုပ်ရာ သုခကိန်းဝပ် အငြိမ်းဓာတ်ဖြင့် ထာဝရငြိမ်းအေးခြင်း သန္တိသုခ ကို ခံစားခွင့်၊ စံဝင်ခွင့်ရသည်သာပ။
ဓမ္မမိတ်ဆွေများ ခင်ဗျား ... ချမ်းသာခြင်း သန္တိသုခ ဆိုသည့် နိဗ္ဗာန်ဓာတ် တရားမြတ်သည် -
အထင်အရှားရှိသည့် ပရမတ်တရားသားဖြစ်၏။
ရွှေဘုန်းတော်သခင် ရှင်တော်မြတ်ဘုရား၏ သဗ္ဗေညုတ ရွှေဉာဏ်တော်ဖြင့် ဖော်ထုတ်နိုင်ခဲ့သည့် သဘာဝတရားသား အရှိပရမတ်ဖြစ်၏။
အဘယ့်ကြောင့် ထိုတရားသား - ဓာတ်သဘောကို အမြင်မပေါက် ဉာဏ်မရောက်၍ ခံစားခွင့်မရကြသနည်းမူ၊
ထို ဓာတ်ကို ခန္ဓာက ဖုံးထား၏။
ခန္ဓာကို ဒိဋ္ဌိက တစ်ဖန် ထပ်ဖုံး၏။
ဥပမာဖြင့်ဆိုသော် ပတ္တမြားကို ကျောက်လွှာက ဖုံးထား၏၊ ထိုကျောက်လွှာကို မြေသားက ထပ်မံ ဖုံးထား၏။ ထိုပတ္တမြားကို တွေ့မြင်ဖို့ရန်မှာ-
မြေသားကို ဖယ်ထုတ်၍ ကျောက်လွှာအား ထိုးခွင်းခြင်း ကိစ္စကို မဖြစ်မနေ ဆောင်ရွက်ရန်သာတည်း။
ဤသို့ သဘောအားဖြင့် မိစ္ဆာဒိဋ္ဌိ(အထင်မှား၊ အမြင်မှား) ကို ဖယ်ထုတ်၍ ခန္ဓာငါးပါး သို့ အမြင်ရောက် ဉာဏ်ပေါက်ကာ ခန္ဓာ့ဖြစ်စဉ်၌ အကြောင်း-အကျိုး ဉာဏ်ဖြင့် ထုခွဲ၍
အကြောင်းကြောင့် အကျိုးဖြစ်၊ အကျိုးမှ အကြောင်းထပ်မံ - ဤသို့ အဖန်ဖန် ဖြစ်ပေါ်နေသည့် ခန္ဓာ့စဉ်မှ အနှစ်သားကား ရှာမရ၊ မတည်မြဲ ပျက်စီးခြင်းသဘောသာ တွေ့ရ။
ဤသို့ ဉာဏ်အမြင် ရင့်သန်၊ ထိုဉာဏ်ရင့်သန်လေလေ... ရုပ်နာမ်ခန္ဓာကို တပ်မက် ကပ်ညှိသည့် တဏှာအစေးဓာတ်တွေ ခမ်းခမ်းလာလေလေ။
နောက်ဆုံး တဏှာအစေးဓာတ်လည်း ခမ်းရော - ဘယ်လို အကျိုး ကျေးဇူးဖြစ်မလဲ လို့ မေးခွန်းထုတ်မေးစမ်း၍ ဉာဏ်သွေးကြည့်လျင် -
ဥပမာ ဖြင့် သဘောမြင်အောင် ကြည့်ကြပါစို့ -
နူနာဝဲရောဂါဖြစ်နေသူကို ဉာဏ်ဖြင့် ပုံဖော်ကြည့်လိုက်ပါ။ သူ့မှာ အစေးတွေ ထွက်ထွက်လာ.. ထိုမှ ပွားပွားလာ... မခံချိ မခံသာ ယားယံခြင်း ဒုက္ခဖြင့် ဆင်းရဲဒုက္ခရောက်နေတာကို ဉာဏ်ဖြင့် တွေ့ရပါတယ်။
ပျောက်အောင် ကုနိုင်တဲ့ ဆေးမပေါ်သေးခင်ထိတော့ သူ့မှာ ဒီဒုက္ခဆင်းရဲက အချိန်တိုင်း နှိပ်စက်နေတာကို ဉာဏ်ဖြင့် တွေ့ရပါတယ်။
အဲ... ပျောက်အောင် ကုနိုင်တဲ့ ဆေးကို ဖော်ထုတ်နိုင်သူလည်း ပေါ်ရော.. ထိုဆေးကို သုံးလိုက်တာဖြင့် .. အစေးတွေ ခမ်းခြောက်ပြီး ပွားခြင်းမရှိ၊ အမြစ်ပြတ်ပျောက်ရောဗျာ။
ဒီတော့ သူ့မှာ ရှေ့က အချိန်နှင့် အမျှ တရစပ် မရပ်မနား နိုပ်စက်ခံနေရခြင်း ဆင်းရဲဒုက္ခ မှနေ လွတ်မြောက်ခြင်း သုခ ကို သူရရှိ ပိုင်ဆိုင် သွားတာကို ဉာဏ်ဖြင့် တွေ့ရပါတယ်။
နဂိုက နေမထိ ထိုင်မသာ တငြီးငြီးဖြင့် ဃနာမငြိမ် ဖြစ်နေရာကနေ ငြိမ်အေး၍ အေးချမ်းနေသည့် ချမ်းသာသုခကို ခံစားခွင့်ရသွားသည်ကို ဉာဏ်ဖြင့် တွေ့ရပါတယ်။
ဤသို့ ဖြင့် ဒုက္ခများခဲ့သလောက် ထိုများပြားသည့် ဒုက္ခနေရာမှာ -> သုခတွေ အစားထိုးလာတာကို ဉာဏ်ဖြင့် တွေ့ရတာပါပဲ။
ဤသို့သော သဘောအားဖြင့် နောက်ဆုံး တဏှာအစေးဓာတ်လည်း ခမ်းရော - ဒုက္ခများခဲ့သလောက် ထိုများပြားသည့် ဒုက္ခနေရာမှာ သုခတွေ အစားထိုးလာတော့တာပါပဲ။
အထူးအားဖြင့် သတိပြု သုံးသပ်ကြရမည်မှာ - အရှိသဘာဝ၊ တရားစု၊ တရားသားပေါ်မှာ အမြင်မှား၊ အထင်မှားတွေ ဖုံးနေကြခြင်းနှင့် (ဘယ်လို ဖုံးနေလဲဆိုတော့ - ခန္ဓာငါးပါးကို သတ္တဝါလို့ အမြင်မှားဖုံးတယ်၊ လူလို့ အမြင်မှား ဖုံးတယ်၊ နတ်လို့ အမြင်မှား ဖုံးတယ်) ထို အဖုံးပေါ် အခေါ်တွေ ထပ်သုံးကြခြင်း(ဘယ်လိုလဲဆိုတော့ မောင်နီ၊ ဂျော်နီ၊ မဖြူ၊ မေသူ၊ ဆင်းရဲသား၊ သူဌေးသား စသည်ဖြင့်) ထပ်လေသချေး ထပ်ထပ်ဖုံး၍ -
ဒိဋ္ဌိဖြင့် ဘောင်ခတ်၊ တဏှာနဲ့ သိမ်းသွင်း၊ သင်္ခါရနှင့် ပြေးလွှားနေရတာဖြင့် အားချိန်ကို မရှိပါဘူး။
ကိုယ့်ရှူး ကိုယ့်ပတ်ဆိုတာ ဒါမျိုးပါလား…

ဒိဋ္ဌိဖြင့် ဘောင်ခတ် ဆိုတာက သတ်မှတ်ချက်တွေ ထုတ်ပြန်လိုက်တာပါပဲ။ “သူ”လို့ သတ်မှတ်မှုရဲ့နောက်မှာ သူက (ဆင်းရဲတယ် (ဝါ) ချမ်းသာတယ်)၊ (လှတယ် (ဝါ) ဆိုးတယ်)၊ (ဖြူတယ် (ဝါ) မဲတယ်) စသည် စသည်ဖြင့်ပေါ့ ထပ်ဆင့်မှုတွေ ထပ်ထပ်လောင်းပြီးတော့ ဘောင်ခတ်တော့တာပဲ၊ ဒီလို ဘောင်ခတ် ကန့်သတ်လိုက်ခြင်းသည် သံသရာထောင်ကို သွင်းလိုက်တာနဲ့ အတူတူပါပဲ။ ဒါကြောင့် ဒိဋ္ဌိသည် အပယ်မျိုးစေ့၊ သံသရာကိုချဲ့ထွင်တဲ့ တဏှာ-မာန-ဒိဋ္ဌိ ဆိုတဲ့ တရားသုံးပါး၏ ရှေ့ဆောင် ခေါင်ချုပ်ပေါ့။
ဒီအမြင်မှားနေရာမှာ ပုဂ္ဂိုလ်သတ္တဝါဆိုတာ အခေါ်ရှိ။  တကယ်ရှိ / အမှန်ရှိကတော့ “ရုပ်ဓမ္မ” “နာမ်ဓမ္မ”တို့၏ အကြောင်း-အကျိုးဆက်စပ် ကျေးဇူးပြု၍ ဖြစ်နေ - ပျက်နေမှု သဘောသာပဲလို့ ဆင်ခြင်မြင်၍ သဘောရှင်းရင် ဒါသည် မိစ္ဆာဒိဋ္ဌိ(အမြင်မှား)တရားဆိုး နေရာမှာ -> သမ္မာဒိဋ္ဌိ(အမြင်မှန်)တရားသန့် အစားထိုးသွားပြီးတော့ ဘောင်တွေ ၊ထောင်တွေ က လွတ်မြောက်နေမှု သဘောပဲဆိုတာ အကွက်ကျကျ မြင်နိုင်ပါတယ်။
အချုပ်အားဖြင့် ဆိုသော် ဒီလို တရားဆိုးနေရာမှာ တရားသန့်များ အစားထိုးမှု အလုပ်ကို ဝီရိယကလေးတွန်းပြီးတော့၊ စိတ်ဓာတ်တွန်းအားလေးပင့်ပြီးတော့ လုပ်သွားဖို့ပါပဲခင်ဗျား။
ဒီလို လုပ်သွားဖို့ သတိပေါ်အောင် ကျေးဇူးပြုခြင်းဖြင့် ရေးသားမျှဝေမှုကို ဤမှာပဲ နိဂုံးချုပ်ပါ၏။
အားလုံးသော သံသရာ၏ ဆွေရင်း မျိုးရင်းများ အသိကလေး တဆိတ်လောက် ပွင့်၍ ကျန်းမာရေး ဒေါင်ဒေါင်မြည်တုံးလေးမှာ တောင်ပေါ်သို့ အရောက် ခရီးပေါက်အောင် ချီတက် ခရီးနှင်နိုင်ကြပါစေ… သို့မဟုတ်ရင်ဖြင့် … ကျန်းမာရေး ပျော့ဖတ်ဖတ်လေးနဲ့ ဖလပ်ပြသွားရင်တော့ ဉာဏ်ဖြင့်တွေးက ရှုံးရချေရဲ့… တော်တော်လေးကို အရှုံးကြီး ရှုံးရချေရဲ့ …

သိအပ်သည်ကို သိစေအပ်၏


   မိမိသန္တာန်၌ တစ်ခုခုသော အာရုံကို အကြံအစည်ပြု၍နေလေရာ ရှေးရှေးဖြစ်သောစိတ်အစု ခဏမစဲချုပ်ကွယ်၍ နောက်နောက်ဖြစ်သောစိတ်အစု ခဏမစဲ အသစ်အသစ် ဖြစ်ပေါ်ပြောင်းလဲခြင်းရှိပါသော်လည်း ရှေ့စိတ်နောက်စိတ် အခြားဟူ၍ မထင်ပြီ။
 
  • တစ်နေ့လုံးပင် ကြံစည်၍နေသော်လည်း စိတ်တစ်ခုတည်းသာ ထင်ရ၏။
  • တစ်သက်လုံးမှာပင် စိတ်တစ်ခုတည်းသာထင်ရ၏။
  • ထို့ကြောင့်ပင်လျှင် စိတ်၌ ”နိစ္စ-ဒိဋ္ဌိ အယူ” ခိုင်မြဲလျက် ရှိနေကြ၏ဟု လယ်တီဆရာတော်ဘုရားကြီးက ရေးသားဖော်ပြ ထုတ်ဖော် ထောက်ပြ၏။
    ဤသို့ အခြားမရှိဆက်စပ်၍ တစ်စဉ်တည်း တစ်ဆက်တည်း တည်နေသော ရုပ်နာမ်ဓမ္မစဉ်ကို သူ၊ ငါ၊ ယောက်ျား၊မိန်းမ သတ္တဝါဟု တို့များ ပညတ်ပေးကြ၏။
ပညတ်သည် အရှိမဟုတ်၊ လောကအခေါ်ဝေါ် အမည်နာမသာဖြစ်၏။
” ထိုနာမ ကို သဘာဝ ဟု မယူသင့်ပေ။”
       သဘာဝဓမ္မသည်ကား အပေါ်၌ဖော်ပြခဲ့သော အခြားမရှိဆက်စပ်၍ တစ်စဉ်တည်း တစ်ဆက်တည်း တည်နေသော ရုပ်နာမ်ဓမ္မစဉ်သာဖြစ်၏။ ဤကားအရှိတရားဖြစ်၏။ ဤ
 
”အရှိကို အရှိတိုင်းသိ၍ ဤအရှိတရားအစဉ်၌လည်း ခဏမစဲဖြစ်ပျက် သင်္ခါရဓမ္မသဘော သဘာဝ ရှိသည်ကိုပါ ထိုးထွင်း၍သိစေ၊ ပိုင်းခြား၍သိစေအပ်၏။”
 
      ထိုသို့ သိအပ်သည်ကို သိအပ်ခြင်းအကျိုးသည့် ”အနိစ္စကို နိစ္စဟု ယူမှားခြင်း”-” မှတ်သားခြင်း” ”သိခြင်း” ဟူသော မှားယွင်းဖောက်ပြန်သည့်အယူဝါဒမှ ကင်းလွတ်ရသည့် အကျိုးကျေးဇူးကို ဖြစ်စေ၏။
    ထိုသို့ သိအပ်သည်ကို မသိသည်ရှိသော် ဤသို့ မှားယွင်းဖောက်ပြန်စွာ ခံယူသုံးသပ်သည့်အမှားသည် မှားယွင်းဖောက်ပြန်မှု၏ အကျိုးအပြစ်ကို ကျရောက်ရ၏။
   ထိုအပြစ်ကား ယခုဘဝအဆုံး နောက်ဘဝ၌ အပယ်ပဋိသန္ဓေကို မချွတ်ဧကန်ရစေအပ်သည်။ ဤကား အဝိဇ္ဇာ ဟုဆိုအပ်သော အမှန်တရားအား ထိုးထွင်းမသိ၊ ပိုင်းခြားမသိသည့် မျက်ကန်းတရားဦးဆောင်မှု၏ ကျေးဇူးပြုခြင်းလက်ချက်ပေတည်း။
   မမြဲသော အနိစ္စရုပ်နာမ်ဓမ္မ၌ အနိစ္စလက္ခဏာသဘော သဘာဝရှိသည်ကို သိသောသူသည်၊ ဆင်းရဲသော ဒုက္ခရုပ်နာမ်ဓမ္မ၌ ဒုက္ခလက္ခဏာသဘော သဘာဝရှိသည်ကို သိပြီးဖြစ်၏။သိသောဉာဏ်သည် ထင်ရှားဖြစ်၏။ ထို့အတူ အစိုးမရသော အနတ္တရုပ်နာမ်ဓမ္မ၌ အနတ္တလက္ခဏာသဘော သဘာဝရှိသည်ကိုလည်း သိပြီးဖြစ်၏။ သိသောဉာဏ်သည် ထင်ရှားဖြစ်၏။ ထို့အတူ မတင့်တယ်သော အသုဘရုပ်နာမ်ဓမ္မ၌ အသုဘလက္ခဏာသဘော သဘာဝရှိသည်ကိုလည်း တစ်ပါတည်း သိပြီးဖြစ်၏။ သိသောဉာဏ်သည် ထင်ရှားဖြစ်၏။
ဤသို့ ရုပ်နာမ်ဓမ္မ၏ အရှိအမှန် သဘာဝလက္ခဏာတို့ကို အသိသညာဖြင့် ထင်ရှားသိရသည့်အကျိုးသည့် အမှတ်သညာ၊ အသိ၊အယူတို့ဖြင့် မှားယွင်းဖောက်ပြန်စွာခံယူမှု အမှားကို ချေပ၍ မှန်ကန်စွာသိအပ်သော သစ္စဉာဏ်ကို ကျေးဇူးပြု၏။
     ဤသစ္စဉာဏ်ရှိသည့်ပုဂ္ဂိုလ်သည် ယခုဘဝအဆုံး နောက်ဘဝ၌ အပယ်ပဋိသန္ဓေမှ ကင်းလွတ်၍ ကောင်းရာသုဂတိဘဝ၌ ဆိုင်ရာ ပဋိသန္ဓေဝိညာဏ်ကို မချွတ်ရလိမ့်မည်ဖြစ်၏။ ယခုဘဝ၌ ပြုအပ်သော ကုသိုလ်၊ အကုသိုလ်အစုစုတို့နှင့် အတူတကွသော သီလ၊ သမာဓိ၊ ပညာ အမှုတို့သည် သံသရာပြတ်ရာ၊ ဒုက္ခခပ်သိမ်းချုပ်ငြိမ်းရာသို့သာ ထိုရရှိသည့်ဘဝ၌ လျင်မြန်စွာ အထောက်အပံ့ကျေးဇူးပြု၍ ဆင်းရဲခြင်းဒုက္ခအပေါင်း ငြိမ်းရသည့် ချမ်းသာသုခနိဗ္ဗာန်ကို မျက်မှောက်ပြုကြရသည်သာတည်း။ ဤနေရာ၌ အကုသိုလ်အစုစုတို့ ထည့်သွင်းရေးသားထားသည်မှာ ဘုရား၊ရဟန္တာတို့မှသော်လည်း အားကြီးသော အကုသိုလ်ကံတွေကို ထိုနောက်ဆုံးဘဝ၌ ခံရသည်ကို သတိပြု၍ ထည့်သွင်းရေးသားခြင်းဖြစ်ပေသည်။
      ဤကား ဗုဒ္ဓအဆုံးအမ၊ တရားအသိ၊ သံဃာအဆုံးအမ တို့မှ အနှစ်သာရ တစ်လုံးတစ်ပါဒမျှကို သိစေအပ်၍ သိအပ်သည့်အရာကို ဖော်ထုတ်ရေးသားပြသည်သာတည်း။